Tennessee – Memphis – Graceland
Dit was nie ék wat in daai regterkantste blombak gepiepie het nie, hoor!
Die hek met die musieknote wat Elvis voor Graceland laat aanbring het.
Die kasteel van die Koning van Ruk en Rol.
Priscilla en 'n jong Lisa Marie Presley.
In hierdie vertrek het menige hamburger sy moses teëgekom.
Wie wil een TV hê as jy drie kan hê?
Die ‘Jungle Room’. Kupido se vrou moet seker baie benoud wees, want sal hy haar nog liefhê, noudat daar gras aan die hemelruim groei?
Die buite-aansig van Graceland - die agtertuin. Onderweg na die Elvis-museum wat op die perseel geleë is.
In sy goue jare het Elvis die toekennings ingeryg. Goue plate, platinumplate, lokettrefferflieks, toekennings van die industrie - hordes en hórdes. Maar interessant genoeg het Elvis nooit noemenswaardige erkenning van die musiekbedryf self ontvang nie. In sy loopbaan het hy maar drie Grammy's gewen, en al drie was in erkenning van sy gospelliedjies.
Hy leef! Hy leef! Hy leef hier in my hart.
