Tennessee – Lynchburg
Daar is net een verkeerslig in Lynchburg - jy kan dit nie mis nie!
Daar mag dalk nie 'n Wallmart, MacDonald's of ononderbroke selfoonopvangs in Lynchburg wees nie, maar die groot trekpleister van dié spikkel op die kaart is die wêreldberoemde distilleerdery in sy midde. En in ruil vir 'n $10-noot sal die gawe mense by oom Jack se plek jou gaan wys wat aan die binnekant van hulle distilleerdery aangaan.
Alvorens my begeleide toer sou afskop, het ek eers ruim tyd gehad om rond te kyk in die verwelkomingsaal, waar 'n hele rits geskiedkundige Jack Daniel's-artefakte uitgestal word (soos beskryf op bladsy 265 van my boek).
Hierdie slagspreuk kom oospronklik uit oom Jack se bek, maar dis tot vandag toe nog die mantra van die werknemers by oom Jack se plek.
Jack on the rocks.
Ian, die "tweetalige" gids.
Moeilik om te glo dat élke sopie Jack Daniel's wat in die wêreld gedrink word, sy oorsprong hiér gehad het.
Hier is sy. My liefling. Mejuffrou Jack.
