Suid-Dakota – Mount Rushmore

Mount Rushmore, die monumentale beeldhouwerk in die Swartberge van Suid-Dakota, ontvang jaarliks miljoene besoekers - gewoonlik van die soort wat tot barstens toe vol is van rou Amerikaanse patriotisme.

Dit is in 1941 voltooi, en is ontwerp deur die Noors-Amerikaanse beeldhouer, Gutzon Borglum. Dis nie 'n spelfout nie - dié kêrel was half Noorweegs, en half Amerikaans.

Die beeldhouwerk beeld vier voormalige presidente uit, wat elkeen 'n ander deel van Amerikaanse geskiedenis verteenwoordig. George Washington verteenwoordig die stryd vir onafhanklikheid en die geboorte van die Republiek, , Thomas Jefferson die gebiedsuitbreiding van die land, Abraham Lincoln die permanente unifisering van die verskillende deelstate en Theodore Rooseveldt die VSA se rol in wêreldsake in die 20ste eeu.

Op die perseel in ook 'n museum, en dis dáár waar ek aan die ... um ... verstómmende feite hierbo vermeld gekom het.

Aanvanklik is dinamietstokkies ingespan om die kontoere van die gesigte rofweg te vorm, waarna kunstenaars soos dié ou die fynere details aangebring het.